| राज्यात वंचित बहुजन आघाडी विधानसभेसाठी सज्ज. राज्यभर इच्छुक उमेदवारांच्या मुलाखती सुरु |
आवाज माझा न्युज नेटवर्क
राज्य निवडणूक आयोग कोणत्याही क्षणी निवडणुकीचा बिगुल वाजवेल हे सांगता येत नाही. म्हणूनच, सत्ताधाऱ्यांसह विरोधी पक्ष देखील आपापल्या परीने विधानसभा निवडणुकीच्या जय्यत तयारीला लागल्याचे चित्र सध्या तरी संपूर्ण राज्यभर दिसते आहे. वंचित बहुजन आघाडीने देखील एकला चलो रे ची भूमिका स्पष्ट करत, राज्यभर इच्छुक उमेदवारांच्या मुलाखती घेत निवडणुकीच्या मैदानात दमदार एंट्री केली आहे. याचाच एक भाग यवतमाळ जिल्ह्यातील विविध विधानसभा क्षेत्रातून उमेदवारी लढवू इच्छिणाऱ्या उमेदवारांच्या मुलाखती वंचित बहुजन आघाडीच्या
निवडणूक समन्वय समितीच्या सदस्य असलेल्या दिशाताई पिंकी शेख यांच्या विशेष उपस्थितीत पार पडणार आहेत.
विशेष म्हणजे सत्तेच्या लालसेपोटी युती आघाड्यांच्या जुगाडात राज्यातील जवळपास सर्वच पक्ष दिसत असतानांच, न्याय हक्कासह स्वाभिमानाची लढाई लढत असलेले वंचित बहुजन आघाडीचे सर्वेसर्वां श्रद्धेय बाळासाहेब आंबेडकर यांनी “एकला चलो रे” चा नरा देत राज्याच्या राजकारणात एकच खळबळ उडवून टाकली आहे. याच पार्श्वभूमीवर निवडणुकीतील भाऊ गर्दीचा गोंधळ टाळण्यासाठी वंचित बहुजन आघाडीच्या श्रेष्ठ नेतृत्वाने पक्षातील निष्ठावान नेतृत्वाच्या खांद्यावर नियोजनबद्ध कार्यक्रमाची धुरा सोपविली आहे. याचाच एक भाग, वंचित बहुजन आघाडीच्या महाराष्ट्र प्रदेश उपाध्यक्ष आणि विधानसभा निवडणूक समन्वय समितीच्या सदस्य, आदरणीय दिशाताई पिंकी शेख या यवतमाळ जिल्ह्यात विधानसभेत निवडणूक लढविणास ईच्छुक असलेल्या उमेदवारांच्या मुलाखती करीता आज यवतमाळ दौऱ्यावर येत आहेत.
 ” इच्छुकांनी मुलाखतीस यावे “ जिल्ह्यातील सर्व आघाड्यांच्या जिल्हा कार्यकारिणीतील सर्व सदस्य, तालुका व शहरातील सर्व पदाधिकाऱ्यानी व उमेदवारीसाठी इच्छुक असलेल्यांनी आज दिनांक ६ ऑक्टोबर २०२४ ला झुलेलाल प्राईड (रेवती हॉटेल) दारव्हा रोड, यवतमाळ येथे सकाळी 10 वाजेपासून उपस्थित रहावे. डाॅ.नीरज वाघमारे जिल्हाध्यक्ष वंचित बहुजन आघाडी यवतमाळ.  |
