| कोलगांवात, “घरकूल तिथे शोषखड्डा ” अभियानाला प्रारंभ |
मारेगांव : राजू निमसटकर
जलयुक्त, आरोग्यदायी गावासाठी महात्मा गांधी राष्ट्रीय ग्रामीण रोजगार हमी योजनेच्या माध्यमातून “घरकूल तिथे शोषखड्डा” अभियान संपूर्ण जिल्ह्यात राबविण्याचा निर्धार प्रशासनाच्या वतीने घेण्यात आला. महात्मा गांधी राष्ट्रीय ग्रामीण रोजगार हमी योजनेचे विजयकुमार सहारे तथा अभिजित जिद्देवार यांच्या विशेष उपस्थितीत तर कोलगाव ग्रामपंचायतीच्या सरपंच अभिषा राजु निमसटकर यांच्या हस्ते या विशेष अभियानाची सुरुवात मारेगाव पंचायत समिती अंतर्गत येत असलेल्या कोलगावापासून करण्यात आली.
घरकूल तिथे शोषखड्डा या अभियानांतर्गत ग्रामीण भागातील सांडपाण्याचे व्यवस्थापन होऊन जलपातळी वाढण्यास मदत होईल. डासमुक्त, रोगमुक्त व जलयुक्त गाव ही संकल्पना यामुळे साध्य होणार आहे. तसेच, नैसर्गिक संसाधन व्यवस्थापन करण्याच्या दृष्टीने देखील शोषखड्डयाची कामे महत्त्वपूर्ण ठरणार आहेत. महात्मा गांधी राष्ट्रीय ग्रामीण रोजगार हमी योजनेच्या माध्यमातून शोषखड्डा कामाचा लाभ घेतल्यास, प्रति शोषखड्डा तीन हजार ३९२ रुपयांचा निधी देण्यात येणार आहे.
अभियानाच्या अंमलबजावणीसाठी जिल्हा परिषदचे मुख्य कार्यकारी अधिकारी मंदार पत्की यांच्या मार्गदर्शनासह पुढकारातून विविध विभागामार्फत होतं असलेल्या घरकुलाच्या कामावर ग्रामीण भागातील स्वच्छतेच्या अनुषंगाने उपयोगी असलेल्या शोषखड्याची कामे घेतल्यास ग्रामीण भागातील सांडपाणी व्यवस्थापन, रोगमुक्त व जलयुक्त गाव ही संकल्पना साध्य होऊ शकते. ह्याचं विश्वासातुन दोन ऑक्टोबरपासून घरकुल तिथे शोषखड्डा अभियान संपूर्ण यवतमाळ जिल्ह्यात राबविण्यात येत आहे.
 “घरकूल तिथे शोषखड्डा” या अभियानांतर्गत ग्रामीण भागातील सांडपाण्याचे व्यवस्थापन होऊन जलपातळी वाढण्यास मदत होईल. डासमुक्त, रोगमुक्त व जलयुक्त गाव ही संकल्पना या अभियानामुळे साध्य होणार आहे, तसेच नैसर्गिक संसाधन व्यवस्थापन करण्याच्या दृष्टीने शोषखड्डयाची कामे महत्त्वपूर्ण ठरणार आहेत. मंदार पत्की मुख्य कार्यकारी अधिकारी  |
महात्मा गांधी राष्ट्रीय ग्रामीण रोजगार हमी योजनेच्या माध्यमातून गावातील प्रत्येक गल्लोगल्ली मधून वाहणारं सांडपाणी लक्षात घेता, आरोग्यदायी आणि सांडपाणी मुक्त गाव निर्माण होण्याबरोबरच गाव हे जलयुक्त देखील झाले पाहिजे हाच संकल्प डोळ्यासमोर ठेवून, दोन वर्षापूर्वीच गरज असलेल्या प्रत्येक ठिकाणी जवळपास 200 हून अधिक शोषखड्डे निर्माण केले. परिणाम स्वरूप मोठ्या प्रमाणात पाण्याचा निचरा तर झालाच. मात्र, रस्त्यावरून वाहणारे सांडपाणी देखील कमी होण्यास मदत झाली. आता पुन्हा घरकुल तिथे शोषखड्डा या अभिनव अभियानामुळे गाव आरोग्यदायी आणि सांडपाणीमुक्त होण्यास मदत होईल. जन उपयोगी योजनेबद्दल शासनाचे मनःपूर्वक आभार. सौ अभीषा राजू निमसटकर सरपंच ग्रा.पं.कोलगाव, तालुका-मारेगाव  |
