| ● संजय खाडे यांचे नेतृत्त्वात एकवटलाय संतप्त बळीराजा ● नुकसानग्रस्त शेतकरी लाभांपासून वंचित |
वणी :- राजू निमसटकर
अस्मानी आणि सुलतानी संकटाच्या कचाट्यात सापडलेल्या शेतकरी बळीराजाच्या जगण्याच्या ह्याचं व्यथा कमी आहेत की काय म्हणून, अगदी कष्टाने उभं केलेल्या पिकाचा फडशा पाडण्यासाठी वन्य प्राण्यांनी सार्वत्रिक हैदोस मांडलाय. आणी तिकडे, गोंधळलेल्या प्रशासनाने नुकसान ग्रस्त शेतकरी बळीराजाला नेहमीप्रमाने लाभापासून वंचित ठेवत, पुन्हा एकदा त्यांच्या जखमेवर मीठ चोळले. मात्र, इथे हतबल बळीराजा शेतकरी आपल्या “हक्काचा माणूस” असलेल्या समाजसेवी संजय खाडे यांच्या नेतृत्वात न्यायासाठी एकवटलायं आणी प्रशासनाची इकडे पुन्हा एकदा धांदल उडाली.
वणी तालु्क्यातील शेकडो शेतक-यांच्या पिकांचे वन्य प्राण्यांनी नुकसान केले आहे. गोंधळलेल्या शासनाने नुकसानग्रस्त शेतकऱ्यांच्या पिकाचा पंचनामा केला. मात्र अद्यापही साडे सातशे पेक्षा अधिक शेतक-यांना नुकसान भरपाई मिळालेलीचं नाही. अखेर त्रस्त झालेल्या संतप्त शेतक-यांनी आपल्या “हक्काचा माणूस” असलेले काँग्रेसचे जिल्हा सरचिटणीस संजय खाडे यांची भेट घेत त्यांचे समोर आपल्या समस्येचे गाऱ्हाणे मांडलेत. बळीराजा शेतकऱ्यावरती झालेल्या अन्यायाची संजय खाडे यांचे कडून तात्काळ दखल घेतल्या गेली व लगेच मंगळवार दिनांक 10 सप्टेंबरला वणी वन विभागाला निवेदन देण्यात आले. यावेळी 15 दिवसाचे आत प्रशासनाने दखल घेतली नाही तर, वणी वनविभाग कार्यालया समोर शेतक-यांना सोबत घेऊन तीव्र आंदोलन केले जाईल, असा गंभीर इशारा संजय खाडे यांनी वन विभाग प्रशासनाला दिला.
बळीराजा लाभापासून वंचित…
वणी तालुक्यात वर्ष 2023-24 या काळात 996 शेतक-यांच्या शेतात वन्य प्राण्यांनी अतोनात नुकसान केले. या नुकसानीचा वनविभागातर्फे पंचनामा सुद्धा झाला. मात्र आतापर्यंत केवळ 240 लाभार्थ्यांनाचं नुकसान भरपाई मिळाली आहे. तर उर्वरीत 756 शेतकरी लाभापासून वंचित आहे. लाभापासून वंचित असलेल्या शेतक-यांचा आकडा मोठा आहे. यासाठी 20 लाखांचा निधी तात्काळ उपलब्ध करून द्यावा, अशी मागणी निवेदनातून करण्यात आली आहे.
 अन्यथा, तीव्र आंदोलन… नुकसानग्रस्त शेतक-यांना एक महिन्याच्या आत भरपाई देणे गरजेचे आहे. वनमंत्री हे आपल्या लोकसभा मतदार संघातीलच रहिवासी आहेत. मात्र त्यांच्याच मतदारसंघातील शेतकरी लाभापासून वंचित आहे. ही शरमेची बाब आहे. शेतक-यांचे नुकसान होत असताना कार्यालयात अधिकारी हजर नसतो. शासन, प्रशासन दोघांचेही शेतक-यांकडे दुर्लक्ष आहे. जर येत्या 15 दिवसात शेतक-यांना नुकसान भरपाई मिळाली नाही, तर कार्यालयासमोर तीव्र आंदोलन करण्यात येईल. संजय खाडे जिल्हा सरचिटणीस, काँग्रेस  |
